Yerkökü bol beta-karoten ehtiva edir. Bədənə qəbul edildikdə, beta-karoten A vitamini halına gəlir. A vitamini immunitet sistemini, sümükləri və dişləri çox gücləndirir. A vitamini saçların, dırnaqların, dəri və qaraciyərin sağlamlığını qorumaqla yanaşı xolesterolun azalması və ürək-damar xəstəliklərinin qarşısını alaraq, uşaqlarımızın gələcək sağlamlığına töhfə verir. Yerkökünün tərkibinə A vitaminindən başqa B, C, D, E, K vitaminləri, protein, natrium, manqan, kalium, sink, fosfor daxildir. Yerkökünün antibakterial əleyhinə xüsusiyyətini unutmamaq vacibdir. Bir orta yerkökü təxminən 33 kaloridir.
Sobada yerkökü kotleti üçün lazım inqrediyentlər:
- 2 ədəd orta böyüklükdə yerkökü;
- 1 ədəd alma;
- 6-7 ədəd quru ərik;
- Yarım stəkan su;
- 3 yemək qaşığı manna yarması və ya un;
- 2 yemək qaşığı “Zeytun Bağları” zeytun yağı;
- 1 ədəd yumurta;
- Zövgə görə duz.
Sobada yerkökü kotletinin hazırlanması
- Alma və yerkökü orta incə rəndədən keçirilir.
- Əvvəlcədən isladılmış quru əriklər doğranılıb, sarımsaq əzilməsindən və ətçəkən maşınından keçirilə bilər.
- Su qaynadılır və üzərinə rəndədən keçirilən kök, alma və quru ərik əzməsi elavə edilib, qarışdırılır. Yumuşalana qədər təxminən 10 dəqiqə qaynadılır.
- Ərzaq kütləsi yumşaq olduqda, üç qaşıq manna yarması və “Zeytun Bağları” zeytun yağı əlavə edilib, qarışdırılır və bir qədər soyudulur.
- Yerkökü kütləsi sərinləşdikdən sonra yumurta və manna və ya un əlavə edilib qarışdırılır.
- Yerkökü kütləsindən kotletlər düzəldilib, soba kağızı ilə örtülmüş qaba və ya silikon qaba yığılıb, 180 dərəcədə 20 dəqiqə bişirilir.
- Hazır olan yerkörü kotletlərini xama və ya yoqurt ilə vermək olar.
Nuş olsun!
