4 aylıq uşağın inkişafında nəzərəçarpacaq dəyişikliklər müşahidə edilir. Onun yeni hərəkətləri artıq mənimsənilmiş olur. Emosional-psixoloji sahə formalaşmağa davam edir, balaca ətraf aləmi fəal öyrənir və daha az yatır. 4 aylıq körpənin inkişafı necə olmalıdır?
4 aylıq körpənin inkişafı və önun xüsusiyyətləri
- 4 aylıq körpənin şkisi təxmini 5700-6300 qr təşkil edir.
- Gün ərzində üç dəfə yatır. Gecə yuxusu 10 – 12 saat arası təşkil edər. Bəzən o, gecə yemək üçün oyana bilər.
- 4 aylıq uşaq sutka ərzində azı altı dəfə qidalanır.
- Başını inamla saxlayıb, hər tərəfə fırlada bilir. Arxa üstə uzanan uşaq, başını azca qaldıraraq öz ayaqlarına baxa bilir.
- Əşyaları 3 – 5 metr məsafədə fərqləndirə və yerdəyişməsini gözləri ilə izləyə bilir.
- Səsləri aydın eşidir.
- Oyuncağı əlinə alaraq, ağzına aparmağa çalışır.
- Ayaqlarını yüksək qaldıraraq, ayaq barmaqlarına ya da dizlərə toxunmağa çalışır.
- 4 aylıq üşaq ananı görəndə sevinir və öz dili ilə danışmağa çalışır. Beləki o artıq ananı tanıyır və onunla danışmağa xoşlanır.
- Ona diqqət edən hər kəslə, danışmağa çalışır.
- Qarnı üstə uzanmış vəziyyətdə, əllərinə əsaslanaraq çiyin və başını asanlıqla saxlayır.
- Qarın nahiyəsindən, arxa tərəfə və ya əksinə çevrilməyə çalışır. Bu səbəblə, artıq onu tək buraxmamalısız.
- İntonasiya və ətrafdakı səsləri təqlid etməyə çalışır.
- Köp və qarın sancıları 4-cü ayın sonunda keçməyə başlayır.
Zehni və Əqli İnkişaf
- Oyuncaqlarla maraq: Körpə ətrafındakı parlaq rəngli və səs çıxaran oyuncaqlara diqqət yetirir və onlara əl uzatmağa çalışır.
- Səsə reaksiya: Körpə tanış səslərə və musiqiyə daha çox reaksiya verir, səs mənbəyinə doğru çevrilir.
- Mimikalar və emosiyalar: Gülümsəmək, qığılcımlı gözlərlə baxmaq və hətta yüksək səslə gülmək kimi hərəkətlərlə daha çox emosiyalarını ifadə edir.
Sosial İnkişaf
- Tanış simalar: Körpə valideynlərini və digər yaxınlarını tanıyır, onların yanında olarkən özünü rahat hiss edir.
- Əlaqə qurma: Körpə, ətrafındakı insanlarla göz təması qurur, gülümsəyir və müxtəlif səslər çıxararaq sosial əlaqə yaratmağa çalışır.
Dil və Ünsiyyət Bacarıqları
- Cəld səslər: Körpə fərqli səslər çıxarmağa, mırıldanmağa və hecalar tələffüz etməyə başlayır.
- İşarələr və jestlər: Əlləri ilə müxtəlif işarələr edir, oyuncaqları tutmağa və vurmağa çalışır.
4 aylıq körpənin inkişafı: Valideynlər üçün Məsləhətlər
- Stimullaşdırıcı mühit: Parlaq rəngli oyuncaqlar, güzgülər və müxtəlif toxumalara malik əşyalar körpənin inkişafını dəstəkləyir.
- Söhbətlər: Körpə ilə tez-tez danışmaq, onun səslərinə cavab vermək və onunla oynamaq dil bacarıqlarını və sosial inkişafını gücləndirir.
- Fiziki məşqlər: Körpənin qarnı üstə yatarkən başını qaldırmasına imkan verən fəaliyyətlər fiziki inkişafı dəstəkləyir.
4 aylıq körpənizin bu mərhələdə necə inkişaf etdiyini izləmək, onun böyüməsini dəstəkləmək üçün həyəcan verici bir vaxtdır. Hər bir körpə fərqli sürətlə inkişaf edə bilər, buna görə də körpənizin öz ritmi ilə böyüməsinə icazə verin.
Növbəti məqalə: 5 aylıq körpənin inkişafı
