Hamiləlikdə diş müalicəsi ilə bağlı tez-tez verilən suallar

0
467
Hamiləlikdə diş müalicəsi
Hamiləlikdə diş müalicəsi ilə bağlı tez-tez verilən suallar hansılardır? Hamiləliyi planlaşdırmadan öncə dişlərinizi müalicə etməmisinizsə, o zaman uşağı daşıdığınız zaman stomatoloqa baş çəkməyə məcbur ola bilərsiniz. Hamilə qadın hər şeyə şübhə ilə yaxınlaşır. Əslində bu bir çox cəhətdən doğrudur. Bu dövrdə diş müalicısinə xüsusi yanaşılmalıdır. İdeal olaraq, ana olacağınızı bildikdən dərhal sonra stomatologiyaya getməkdir. Bu, heç olmasa ağız boşluğunun və körpənin sağlamlığı ilə əlaqəli ciddi problemlərin qarşısını almağa kömək edəcəkdir.
Hamiləlik dövründə, qadın orqanizmi maddələr mübadiləsi prosesinin yenidən qurulmasına məruz qalır. Diş sağlamlığı üçün zəruri olan mikroelementlərin (kalsium, fosfor və flüor) çox miqdarı dölün inkişafına sərf olunur. Bütün bunlar ağız boşluğu xəstəliklərinin daha sürətli inkişaf riskini artırır.
Hamilə qadınlarda diş ağrısının yaratdığı psixo-emosional stres, dölün balanslı formalaşmasına mane olur.

Hamiləlik zamanı diş rentgeni zərərlidirmi?

Stomatologiyada istifadə olunan rentgen radiasiyasının miqdarı çox azdır. Buna baxmayaraq, ilk üç ay ərzində rentgen şüaları qəbul edilməməlidir. Əgər diş rentgeni diş müalicəsi üçün çox zəruridirsə,  1-2 kadr çəkilə bilər və bunun üçün xüsusi önlük taxılması vacibdir.

Hamiləlikdə diş müalicəsi zamanı antibiotik istifadəsi körpəyə zərərlidirmi?

Hamiləlik dövründə qəbul olunan dərmanlara çox diqqətlə yanaşılmalıdır. Misal üçün, tetrasiklinlər körpənin dişlərində ləkə qoyur. İstifadə ediləcək antibiotiklər, mütləq həkim nəzarətində olmalıdır.

Diş müalicəsi zamanı istifadə edilən anesteziya körpəyə zərər verirmi?

Gələcək anaların əksəriyyəti, hamiləlikdə diş müalicəsi zamanı istifadə edilən anestezik maddənin körpənin sağlamlığına zərər verə biləcəyini əsaslandıraraq, diş klinikasına getməkdən imtina edirlər. Bu narahatlığa görə müalicəni qeyri-müəyyən müddətə saxlamağa dəyməz, çünki xəstə dişdə inkişaf edən infeksiya doğumdan əvvəl kəskinləşə bilər və böyük bir təhlükə yarada bilər. Hal-hazırda, hamilə qadınların diş müalicəsində döldə fəsad yaratmayan xüsusi yerli ağrıkəsicilərdən istifadə olunur. Burada əsas həkim seçiminizdə diqqətli olmanızdır. 

Hamiləlik dövründə diş müalicəsi üçün hansı vaxt daha uyğundur?

Hamiləlikdə diş müalicəsi üçün ən yaxşı vaxt 4-6 ay arasındadır. Şiddətli ağrı ilə təcili müalicə olunacaq halda, hamiləliyin istənilən mərhələsində diş müalicəsi tətbiq edilə bilər.

Hamiləlik dövründə dişlər daha çox çürüyür?

Dişlərə yetərli qayğı və balanslı bir pəhriz təmin edilərsə, heç bir problem olmaz. Bu dövrdə ürək bulanması və qusma meydana gəldiyinə görə ağız florasının PH balansı dəyişə bilir, bəzən də analar ürək bulanması və ya halsızlıq səbəbindən diş fırçalamanı unuda bilərlər. Buna görə də dişlər çürüyə bilər. Bundan əlavə, ana həkim nəzarəti altında gündə ən az 1200-1500 mq kalsium ehtiyacını qarşılamalıdır.

Hamiləlik dövründə dişə cərrahiyyə müdaxilə edilə bilərmi?

Birinci 3 aylıq rüb ( 1 trimestr) çox həssas bir dövrdür. Lazımsız müdaxilələr aborta səbəb ola bilər. Bununla birlikdə, olduqca ağrılı, xəstə olan dişlərə müvafiq dərmanlar tətbiq etməklə etibarlı müdaxilə etmək olar.

Hamiləlik dövründə diş problemlərinin qarşısını necə almaq olar?

Hamiləlik dövründə estrogen və progesteron hormon ifrazatları artdığı üçün diş ətlərində şişkinliklər qızartılar müşahidə oluna bilir. Buna görə diş ətləri qanaxmaya meylli və həssas ola bilər. Diş ətlərində diş daşları varsa, diş daşları hamiləlik dövründə təmizlənir və rahatlanır.
Bu dövrdə hamilə qadınlar qidalanma mövzusunda çox diqqətli olmalıdırlar. Kalsium və fosforla qidalanmalı və A, B və C vitaminləri qəbul etməlidirlər. Ürək bulanması səbəbiylə səhər dişləri fırçalaya bilmirlərsə, ağızlarını su və ya flüoridli ağız məhlulu ilə dişlərini yumalıdırlar.

Hamiləlik dövründə dişlərə hansı prosedurlar qadağandır?

Hamiləlik dövründə bütün planlaşdırılan diş müdaxilələrindən imtina edilməlidir, o cümlədən:
  • dişlərin ağardılması,
  • protez və implant yerləşdirilməsi.
  • Diş çıxarılması yalnız həkim tövsiyəsi ilə həyata keçirilir.

Bütün bu amilləri nəzərə almaq çox vacibdir. Həqiqətən, hamiləlikdə diş müalicəsi məsuliyyətli bir işdir və bir sıra xüsusiyyətlərə malikdir. Unutmayın ki, diş həkiminin qadının hamilə olması haqqında məlumatlı olması vacibdir.

OXŞAR MƏQALƏLƏRMÜƏLLİFDƏN DİGƏR MƏLUMATLAR