8 aylıq körpə və inkişaf xüsusiyyətləri

0
1395
8 aylıq uşaq

8 aylıq körpənin inkişafı çox sürətlə gedir. 8 aylıq körpə öyrəndiyi hərəkətləri tam mənimsəyir, əllərini yaxşı idarə edə bilir. Bu yaşda körpə, böyükləri fəal yamsılayır və sadə hərəkətləri asanlıqla öyrənir.

8 aylıq körpə bacarmalıdır:

  • 8 aylıq körpənin təxmini çəkisi 8,7 – 9,5 kq, boyu 70-71.2 sm olmalıdır.
  • Artıq çoxlu sayda müxtəlif əşyaları müəyyən edir. Ətrafdakı hər şeylə maraqlanır. Özüdə qarşısına düşən hər şeyin dərhal dadına baxmağa çalışır.
  •  Diqqəti hələ dağınıqdır, o tez-tez məşquliyyətindən yayına bilər. Amma, bu mərhələdə, o, yarımçıq qalan işinə qayıtmağı, öyrənməyə başlayır.
  • 8 aylıq uşaq yolunda duran maneənləri, bütün mümkün üsullarla aradan qaldırmağa çalışır.
  • Bəzi uşaqlar bu ayda sərbəst qalxa, dəstək ilə gəzə bilirlər, böyüklərin köməyi olmadan oturub və ya uzana bilirlər. Dəstəyi olmadan oturaq vəziyyətdən ayağa dura bilirlər.
  •  Artıq fəal və çox sürətlə iməkləyirlər.
  • Əşyalarla yaxşı idarə etməyi bacarır, məsələn, qapağı açıb bağlayır, piramid oyuncağını  toplayır.
  •  Sadə “ver”, “al”, “get” kimi xahişlərə reaksiya verir.
  • 8 aylıq uşaq daim bəzi hecaları ucadan təkrarlayır. Halbuki o, onları müqayisə edə bilmir.
  • Böyüklərin xahişi ilə əl yelləyərək, vidalaşa bilir.
  • “olmaz” sözünün mənasını aydın başa düşür, amma hələ ona itaət etmir.
  • Tanış və özgə insanları, hətta öz və yad əşyaları fərqləndirir. Şəkillərdə özünkülərini tanıya bilir.
  •  Onu kəskin və gurultulu səslər qorxudur.
  • Xırdalanmış yemək yeyir. Yumşaq qida məhsullarını dişləyə bilər.

Bu yaşda daxili baş beyin zonası fəal inkişaf edir və formalaşır. Bu dövr, danışıq və hərkət funksiyasının yaxşılaşdırılması üçün çox mühüm bir dövrdür. 8 aylıq körpə ətrafdakıların davranışını təqlid etməyə çalışır: qaşıqla yeməyə, fincandan içməyə, balışda yatmağa və s. çalışır. Bu, ona sosial mədəniyyətin bir hissəsi olmağa kömək edir.