Süni sancı ilə doğum

0
373
süni sanci

Adətən, gələcək analar normal doğuş edərək körpə sahibi olmaq istəyir. Lakin bu istək bəzən müxtəlif səbəblərə görə reallaşa bilmir. Körpəniz heç cür gəlmək istəmirsə, tibb sizə “süni sancı” variantını təqdim edir. Bəs, süni sancı nədir? Hansı hallarda tətbiq olunur? Bu barədə ətraflı aydınlıq gətirməyə çalışacağıq. Doğum prosesi, oksitosin adlanan hormon vasitəsi ilə başlayır. Hamiləlik müddətinin başa çatdığı zaman oksitosin hormonu yaranır, bu da uşaqlığın yığılmasına (doğuş ağrılarına) yol açır.

Süni sancı necə tətbiq olunur?

Süni sancı ölkəmizdə geniş yayılmış bir üsuldur. Oksitosin hormonu serum şəklində xüsusi nasos yolu ilə (damla sayının avtomatik olaraq nəzarət edilməsini təmin edən qurğu) ananın venadaxilinə vurulur. Əvvəlcə aşağı damla sayı ilə başlanıb, təsirli sancı əldə edilənə qədər artırılır. Hamilə qadını kardiotokoqrafiya adlanan monitora birləşdirməklə, bütün bu müddət ərzində uşaqlıqda olan sancıları və körpə ürək döyüntülərini izləmək məqsədə uyğundur. Bu prosedurdan yaranan ağrılar, doğumda yaranan ağrılardan daha güclü və daha tez-tez baş verə bilər.

Süni sancı hansı hallarda tətbiq olunur

Bu prosedur hər doğum edən qadına tətbiq edilmir, bunun üçün müəyyən şərtlər tələb olunur. Bu şərtlər:

  • Uşaqlığ daxilində infeksiyanın aşkarlanması;
  • Hamiləlik müddətinin 42-ci həftəni aşması;
  • Hamiləliyin xroniki xəstəliklərinin olması;
  • Zəhərlənmə;
  • Ölü döl;
  • Suyun erkən gəlməsi;
  • Bətndə miyom olması;
  • Uşaqda inkişaf geriliyi;
  • Ananın bəzi narahatlıqlara görə doğum edə bilməməsi və s. kimi hallarda.

Süni sancının riskli faktorları nələrdir?

Miqdarın infuziya pompası ilə tədricən artırıldığı zaman belə bir risk yoxdur. Həddindən artıq miqdarın tətbiqi, uşaqlığın artıq dərəcədə gərilməsinə və ya hətta uşaqlıq divarının yırtılmasına səbəb ola bilər. Digər çox nadir hallarda olan bir risk, uşaqlığın cırılması və ya suyun zəhərlənməsi riskidir.

Süni sancı etibarlı üsuldurmu?

Oksitosin tətbiqi yeni bir təcrübə deyil. Çox uzun zamandır həyata keçirilir. Ümumiyyətlə qaydalara uyğun olaraq edildikdə, olduqca etibarlı bir üsuldur. Süni sancı mütləq yalnız tibbi zərurət hallarında tətbiq edilməlidir.

Hansı hallarda tətbiq etmək təhlükəlidir?

Aşağıda göstərilən halarda süni sancının tətbiqi təhlükəli ola bilər;

  • uşağın inkişaf anomaliyaları;
  • baş bilək uyğunsuzluğu;
  • Bətndə qeysəriyyə ya da miyom əməliyyatı olduqda;
  • Körpə ana bətnində yan dayanarsa və s. hallarda.

Ana namizədin istəkləri əlbəttə dəyərlidir amma doğum həkiminin vəzifəsi ananı hansı vəziyyətə uyğun olduğuna inandırmaq və dünyaya sağlam körpə gətirməkdə kömək etməkdir.