Hamiləliyin əlamətləri hansılardır?

0
1337
Hamiləliyin əlamətləri hamileliyin elametleri

Hamiləliyin əlamətləri qadın orqanizmində müxtəlif dəyişikliklərə səbəb olur. Bəzi gələcək analar bu dəyişiklikləri hiss edə bilir, bəziləri isə fərqində belə olmur. Hamiləlik əlamətlərinin qadın orqanizmində yaratdığı dəyişikliklər tədricən dəyişdikcə, hamiləlik haqqında ipuçlarını da verir. Bütün qadınlarda eyni elamətlər eyni şəkildə görülə bilməz və bəzi qadınlarda fərqli əlamətlər ola bilər. Hamiləliyin əlamətləri nələrdir? Hamiləlik əlamətləri nə zamandan hiss oluna bilər?

Hamiləliyin ilkin əlamətləri

  1. Menstruasiya gecikməsi. Menstruasiya gecikməsi hamiləlik əlamətlərinin ilk əlamətidir. Bununla birlikdə, hər bir menstruasiya gecikməsi hamiləliyi bildirmir. Menstrual gecikmə müxtəlif ginekoloji xəstəliklər səbəbindən də görülə bilər.
  2. Döş ağrısı və döş ucları. Hamiləlik zamanı yaranan hormonal dəyişikliklər (estrogen, prolaktin və progesteron hormonlarının ifrazı) döşlərdə ağrıya səbəb ola bilər. Döş ağrısı da menstrual əlamətlərindən biri olduğundan, hamiləliyin müəyyən bir əlaməti olmaqla kifayət deyil.
  3. Qanama və ya axıntı. Döllənmə prosesi baş verdikdən sonra embrion uşaqlığa yerləşdikdə vaginal qanama baş verə bilər. Bu qanama menstrual qanaxmadan fərqlidir və erkən hamiləliyi göstərə bilər. Qanama zamanı nəzarət məqsədi ilə bir həkimlə məsləhətləşməniz faydalıdır.
  4. Yorğunluq və yatmaq istəyi. Bədəndə progesteron hormonunun artması yuxu istəyinə səbəb olur. Bu səbəbdən hamiləliyin ilk 4 ayında yorğunluq və yuxu istəyi tez-tez yaşanır.
  5. Başgicəllənmə. Erkən hamiləliyin ən çox görülən simptomlarından biri başgicəllənmədir. Metabolik dəyişikliklər səbəbiylə başgicəllənmə vacibdir və buna nəzarət edilməlidir.
  6.  Bulantı və qusma. Döllənmədən sonra ürək bulanması və qusma ümumi şərtlərdir. Bulantı və qusma bəzi qadınlarda ilk həftələrdə, digərlərində isə 7-ci həftədən sonra müşahidə oluna bilər.
  7. Tez-tez sidiyə getmə. Döllənmə müddətindən sonra hamiləliyin erkən əlamətlərinə tez-tez sidiyəgetmə daxildir. Xüsusilə ilk ayda proses hamiləliyin ən açıq əlamətlərindən biridir.
  8. Qoxu hissiyatının artması. Artan hormon ifrazı səbəbindən əvvəllər məmnun olduğunuz qoxu hamiləlik zamanı xoşagəlməz ola bilər. Siqaret, ətir və ya müxtəlif qoxulara həssaslıq artır. Bu vəziyyət də hamiləliyi göstərən başqa bir amildir.

Hamilə olduğunda ilkin əlamətləri neçənci gündən hiss olunur?

Hamiləliyin ilk həftələrində yumurtalıqlarda və uşaqlıqda müxtəlif dəyişikliklər olur. Əvvəlcə hamiləliyin ilk mərhələsi implantasiya dövrü başlayır və implantasiya dövründə ilk əlamətlər görünür. Bu müddətdə döllənmiş yumurta uşaqlıq divarına yerləşir,  implantasiya, yəni qanama müşahidə olunur. Qanama ümumiyyətlə, ləkə şəklində meydana gəlir və 2 həftə ərzində istənilən dövrdə baş verə bilər. Bu qanamadan sonra psixoloji simptomlar görünür. İmplantasiya dövründə gələcək ana çox hirsli, narahat və həssas olur. Lakin zamanla bu vəziyyət tarazlaşır. Bu mərhələdə hamiləliyin əlamətləri embrionun uşaqlıq divarına yapışmasından başlayır.

Bununla birlikdə, qadınlar menstruasiya gecikməsini müşahidə etməyənə qədər hamilə qaldıqlarını bilmirlər. Adətən qadınların hamilə olub olmadığını müəyyənləşdirmək üçün istifadə etdiyi ilk üsul evdə edilən hamiləlik testidir. Bununla yanaşı, həkimin lazımi müayinələri aparması, əlamətlərin hamiləlik səbəbindən olub olmadığını müəyyənləşdirə bilər. Hamiləlik testindən dəqiq nəticələr əldə edərək, hamiləliyin mövcudluğundan xəbərdar olmaq üçün embrion uşaqlığa yerləşməlidir və nəticədə bədəndə ölçülə bilən beta hCG hormonu ifraz olunmalıdır. Bu hormonun qanda olan miqdarına görə hamiləlik təsbit olunur. Buna görə, yüksək dəqiqliyə sahib olmaq üçün menstruasiya dövrünün gecikməsini gözləmək məsləhətdir. Hamiləliyi düşünən xanımlar ilk öncə hamiləlikdən əvvəl həkim müayinəsindən keçməsi vacibdir. Bu barədə bizim “Hamiləlikdən əvvəl təhlil və müayinələr” məqaləmizdə tanış ola bilərsiniz.